笑話一則
認識 b爸的人，都會知道佢係一個可以重複吃 ABC 餐的人 😑（貌似唔少男人都係咁 🤔😅😆）早期我地屋企經常出現不同的瓜菜炒豬肉＋蒸水蛋＋蒸魚，但問題是組合不斷重複，連魚都係嗰兩三款，令我食下食下感慨人生好苦悶 ... 🤣
經過多年的循循善誘＋孖孖叉叉，終於有些改變，偶爾會見到新菜式。而每次有新菜式，b爸都會沾沾自喜，話我唔知前世做左甚麼好事。
剛才佢備料中時，又來
B爸：你前世一定做左好多好事，先搵到個咁好既老公 😏
我：哈，應該係你做左好多好事，先至娶到咁好既老婆喎 🤔
B爸：你睇下，如果唔係我，你邊有咁多好餸食 🍽️🍜
我：你應該多謝我帶挈你有得食好餸呀 😆 如果唔係得我鞭策，你可能仲係日日食緊 ABC 餐咋 😆
B爸：你一定係修橋補路、扶阿婆過馬路、總之一定係做盡好事，先有得咁幸運遇到我呀 😤
我：哦 ... 放心，我一向都知你好，仲知你上世實勁過我，我相信你應該係 ... 為國捐軀 🤣🤣🤣 如果唔係邊畀你遇得到我 😌😜
B爸：（反應不過來）🤨🤨🤨🤨🤨（get 到了）😑😑😑😤😤😤
我：（完勝）✌️✌️
婚姻，是長年累月的經營。真正的浪漫，並不是一時三刻、也不是只用口講、更不是金錢能買回來。而是在每天的生活中，愈來愈看得懂對方，也愈來愈看得懂自己；愈來愈懂包容和配合，為了對方而變成更高版本的自己。
慶幸自己對浪漫這個詞語沒有太多幻想，也明白家人關係是每個靈魂的最大課題，所以比較能踏實地經營婚姻。一如其他人的婚姻，我們的也是五味紛陳，只是劇目不同。雖然已過了12年，但也只等於讀了12年的婚姻課，還有許多可以學習的。
＃長期讀者睇住我地成長應該特別有感受
＃EQ和轉數就是這樣煉成的
＃對住大男人要四兩撥千斤
Search